خواتین کے تحفظ کیلئے بنائی گئی پنجاب پولیس ویمن سیفٹی ایپ کی آگاہی مہم جاری

لاہور۔ خواتین کے تحفظ کیلئے بنائی گئی پنجاب پولیس ویمن سیفٹی ایپ کی آگاہی مہم کے سلسلے میں پنجاب سیف سٹیز اتھارٹی کی ٹیمیں لاہور کے بڑے مالز میں پہنچ گئیں۔پنجاب سیف سٹیز اتھارٹی کی ٹیم نے نجی شاپنگ مال میں خواتین کیلئے ویمن سیفٹی ایپ آگاہی کیمپ لگایا گیا۔ آگاہی کیمپ میں مختلف شعبہ ہائے زندگی سے وابستہ خواتین کی کثیر تعداد نے شرکت کی۔اس موقع پر خواتین کو تحفظ فراہم کرنے کیلئے ویمن سیفٹی ایپ کے فیچرز اور استعمال بارے آگاہی دی گئی۔خواتین کو ہنگامی حالت میں ویمن سیفٹی ایپ سے فوری مدد طلب کرنے کا طریقہ کار بھی بتایا گیا۔ خواتین کو ویمن سیفٹی ایپ لٹریچر پر مبنی پمفلٹ بھی تقسیم کیے گئے۔خواتین نے گفتگو کرتے ہوئے کہا کہ ویمن سیفٹی ایپلیکیشن کے استعمال سے خود کو پہلے سے زیادہ محفوظ تصور کرتی ہیں۔ویمن سیفٹی ایپ ہنگامی حالات میں فوراً متعلقہ حکام سے رابطہ کرنے میں مددگار ہے۔ پنجاب پولیس اور سیف سٹیز کی جانب سے خواتین کے تحفظ کیلئے اقدامات قابل ستائش ہیں۔خواتین کا ایپ میں مزید دلچسپی لیتے ہوئے پنجاب بھر کی خواتین کو اپنے موبائل میں ویمن سیفٹی ایپ انسٹال کرنے کا مشورہ دیا۔ ترجمان پنجاب سیف سٹیزاتھارٹی کا کہنا تھا کہ ویمن سیفٹی ایپ بارے سیف سٹیز اتھارٹی کی آگاہی مہم تعلیمی اداروں سمیت دیگر فورمز پر جاری ہے۔