مظفرآباد سیف سٹی پراجیکٹ ٹیم کا پنجاب سیف سٹیز اتھارٹی کا دورہ
چیف آپریٹنگ آفیسر محمد کامران خان نے اتھارٹی کی ورکنگ بارے تفصیلی بریفنگ دی
مظفرآباد کومحفوظ بنانے کیلئے پنجاب سیف سٹیز اتھارٹی کے تجربے سے مستفید ہوں گے:مظفرآبادسیف سٹی حکام
مظفرآباد سیف سٹی پراجیکٹ کی اپ گریڈیشن میں ہر ممکن تکنیکی معاونت فراہم کی جائیگی، سی او او محمد کامران خان
مظفرآباد سیف سٹی پراجیکٹ ٹیم کے وفد نے پنجاب سیف سٹیز اتھارٹی کا دورہ کیا۔ اس موقع پروفدچیف آپریٹنگ آفیسر محمد کامران خان نے اتھارٹی کی ورکنگ بارے تفصیلی بریفنگ دی۔ ایس ایس پی ریاض حیدر کی سربراہی میں 5 رکنی وفد کو سیف سٹی سنٹر کے مختلف شعبہ جات کا دورہ کروایا گیا اور بریفنگ دی گئی۔وفد کو آپریشنز اینڈ مانیٹرنگ سینٹر،میڈیا مینجمنٹ سنٹر اور ایمرجنسی رسپانس سنٹر بارے بتایا گیا۔انٹیلیجنٹ ٹریفک مینجمنٹ سسٹم، آرٹیفیشل انٹیلیجنس، اور جدید مواصلاتی نظام بارے بھی بریفنگ دی گئی۔چیف آپریٹنگ آفیسر محمد کامران خان نے بتایا کہ مظفرآباد سیف سٹی پراجیکٹ کی اپ گریڈیشن میں ہر ممکن تکنیکی معاونت فراہم کی جائیگی۔ پنجاب سیف سٹیزاتھارٹی کوئٹہ، پشاور، کراچی سیف سٹیز پراجیکٹ کے لیے معاونت کررہا ہے۔مظفرآبادسیف سٹی پراجیکٹ حکام کا کہنا تھا کہ مظفرآباد کومحفوظ بنانے کیلئے پنجاب سیف سٹیز اتھارٹی کے تجربے سے مستفید ہوں گے۔ پنجاب سیف سٹیزاتھارٹی رول ماڈل کا کردار ادا کر رہا ہے۔
