پنجاب سیف سٹیز اتھارٹی کے پاک انگلینڈ کرکٹ میچز کیلئے خصوصی انتظامات
ہوٹل سے سٹیڈیم اور ارد گرد تمام روٹس کی 24 گھنٹے سیف سٹیز کیمروں سے نگرانی جاری 500سے زائد سیف سٹیز کیمروں سمیت پی آر یو گاڑیوں پر نصب کیمروں سے مانیٹرنگ جاری
سیف سٹیز اتھارٹی تمام قانون نافذ کرنے والوں اداروں کو ہر ممکن مدد فراہم کررہی ہے، ترجمان پنجاب سیف سٹیز اتھارٹی
پنجاب سیف سٹیز اتھارٹی کے پاک برطانیہ کرکٹ میچز کیلئے خصوصی انتظامات کیے گئے۔تفصیلات کے مطابق پنجاب سیف سٹیزا تھارٹی کیمروں کے ذریعے ہوٹل سے سٹیڈیم اور ارد گرد تمام روٹس کی 24 گھنٹے کیمروں سے نگرانی کا عمل جاری ہے۔میچز کی سکیورٹی کیلئے 500 سے زائد کیمروں سے مانیٹرنگ جاری ہے۔پنجاب سیف سٹیز اتھارٹی سینٹر اور فیلڈ میں ٹیکنیکل ٹیمز فرائض سرانجام دے رہی ہیں۔پی آر یو گاڑیوں پر نصب سیف سٹیز کیمروں سے بھی روٹس کی مانیٹرنگ کا عمل بھی جاری ہے،سیف سٹیز اتھارٹی کی موبائل کمانڈ وہیکل میچز کی مانیٹرنگ کیلئے قذافی سٹیڈیم موجود ہے۔ایس پی سکیورٹی پی پی آئی سی تھری سنٹر سے سکیورٹی کے عمل کی مانیٹرنگ کررہے ہیں۔ترجمان پنجاب پنجاب سیف سٹیز اتھارٹی کہنا تھا کہ تمام قانون نافذ کرنے والوں اداروں کو ہر ممکن مدد فراہم کی جارہی ہے۔
